Чиглэл 1
Таны давуу тал
Менежментийн тогтолцооны олон улсын стандартын баталгаа нь ААНБ-ын
баталгааг өгдөг.
Ямар стандарт, зохистой дадлаар баталгаажуулалт хийлгэх нь байгууллагад яг ямар хэрэгцээ, шаардлага байгаагаар тодорхойлогддог.
Байгууллагын хэрэгцээ янз бүр байдаг
Баталгаажуулалт нь итгэлийг бий болгодог — нийт 10 стандарт, зохист дадал.
Бүлэг 1
Бүтээгдэхүүн, үйлчилгээний тогтвортой чанар ба хүнсний аюулгүй байдал
ISO 9001 стандартын дагуу хэрэгжүүлсэн тогтвортой чанарын удирдлага нь бүтээгдэхүүн, үйлчилгээний тогтмол өндөр чанарыг хангадаг. Энэ нь байгууллагын хэмжээ, салбар, стратегиас үл хамааран бүх төрлийн байгууллагад хамаарна. ISO 9001-ийн баталгаажуулалт авснаар та өөрийн процессуудын үр нөлөөг нотолж, дэлхийн өрсөлдөөнт орчинд давуу тал олж авах боломжтой.
ISO 21001 стандартын дагуу хэрэгжүүлсэн боловсролын байгууллагын менежментийн тогтолцоо нь бүх шатны, бүх хэлбэрийн боловсролын байгууллагад тохиромжтой ба боловсролын байгууллагын менежментийн чадавх, үзүүлж буй боловсролын бүтээгдэхүүн, үйлчилгээний чанарын илэрхийлэл болдог. ISO 21001-ийн баталгаажуулалт авснаар танай байгууллага өөрийн менежментийн чадамж болон боловсрол олгох чанарыг нотолж өрсөлдөөнт орчинд давуу тал олж авах боломжтой.
Хүнсний сүлжээний дагуух аюулыг тодорхойлж, эгзэгтэй цэгүүдийг хяналтад авах замаар хүнсний аюулгүй байдлыг тогтолцооны хэмжээнд удирдах стандарт ба зохист дадал.
FSSC 22000 баталгаажуулалт авснаар хүнс болон тэжээлийн салбарт үйл ажиллагаа явуулж буй компаниуд Дэлхийн хүнсний аюулгүй байдлын санаачилга (GFSI)-аар дэлхий даяар хүлээн зөвшөөрөгдсөн стандартын дагуу хүнсний аюулгүй байдлын удирдлагын тогтолцоогоо аудитлуулах боломжтой болдог. Энэхүү гэрчилгээ нь хүнс болон малын тэжээлийн өндөр чанар, аюулгүй байдлыг баталгаажуулна.
Та компаниа хүнсний үйлдвэрлэл дэх болзошгүй эрсдэлийг таньж мэдэх, бууруулах, боломжит хамгийн сайн тохиолдолд бүрэн сэргийлэх түвшинд хүргэхийг хүсэж байна уу? Үүний үндэс суурь нь үйлдвэрлэлийн болон ариун цэврийн зохистой дадлууд юм.
Бүлэг 2
Экологийн хариуцлага, хөдөлмөрийн эрүүл мэнд, эрчим хүчний үр ашиг
Байгаль орчны хамгаалалт ба тогтвортой байдал нь компаниудын хувьд зөвхөн харилцаа, сурталчилгааны сэдэв байхаа больж, үнэ цэнэ нэмэх бодит хүчин зүйл болжээ. Байгаль орчны хамгаалалтын удирдамж, шаардлагыг тууштай мөрдөх нь бодит өрсөлдөх давуу талыг бий болгодог. Үүний зэрэгцээ компани нь өөрийн экологийн хариуцлагыг бүрэн хангаж ажилладаг. Олон улсад хүлээн зөвшөөрөгдсөн ISO 14001 стандарт нь ийм төрлийн байгаль орчны менежментийн тогтолцоонд тавигдах шаардлагуудыг тодорхойлдог.
Та компаниа ажлын байрны осол, ажилтнуудын эрүүл мэндэд учирч болзошгүй эрсдэлийг таньж мэдэх, бууруулах, боломжит хамгийн сайн тохиолдолд бүрэн сэргийлэх түвшинд хүргэхийг хүсэж байна уу? Үүний зохистой суурь нь ISO 45001 стандартын дагуу баталгаажсан удирдлагын тогтолцоо юм. Энэхүү олон улсын стандарт нь хөдөлмөрийн эрүүл мэнд, аюулгүй байдлыг стратегийн ач холбогдол бүхий удирдлагын чухал асуудлын түвшинд гарган тавьж, бэхжүүлдэг.
Эрчим хүч болон зардлыг хэмнэх нь хоорондоо салшгүй холбоотой — ялангуяа ISO 50001 стандартаар баталгаажсан эрчим хүчний менежментийн тогтолцоотой бол. Өнөө цагт эрчим хүчний нөөцийг зүй зохистой, хариуцлагатай ашиглах нь аливаа компанийн хамгийн чухал зорилтуудын нэг болоод байна. Тохирох арга хэмжээнүүд нь танай байгууллагын эрчим хүчний үр ашиг болон эрчим хүчтэй холбоотой гүйцэтгэлийг тасралтгүй сайжруулахад чиглэдэг бөгөөд ингэснээр уур амьсгалын хамгаалалтад ч мөн бодитой хувь нэмэр оруулдаг.
Бүлэг 3
Авлигын эсрэг засаглал ба мэдээллийн аюулгүй байдлын удирдлага
Авлига, хахуулийн эрсдэлийг тодорхойлж, урьдчилан сэргийлэх, илрүүлэх, хариу арга хэмжээ авах хяналтын тогтолцоог байгууллагын хэмжээнд байгуулах шаардлагыг тодорхойлдог олон улсын стандарт.
Мэдээллийн нууцлал, бүрэн бүтэн байдал, хүртээмжийг эрсдэлд үндэслэсэн хяналтаар хамгаалах менежментийн тогтолцооны шаардлагыг тодорхойлдог олон улсын стандарт.
Дараагийн алхам
Байгууллагынхаа хэрэгцээг тодорхойлоход бид үнэ төлбөргүй зөвлөгөө өгч, хамрах хүрээ, аудитын өдрийн тооцоог гаргаж өгнө.
